यी हुन् होटल भन्दा महंगा नेपालका ११ रिसोर्ट?

काठमाडौं । होटल भन्ने वित्तिकै सुविधा सम्पन्न पाँच तारे होटल झट्ट सोच्ने गरेका छौ । तर विगत देखिको इतिहास हेर्ने हो भने पाँच तारे होटलभन्दा बढी लगानी गरेर खोलिएका सुविधा सम्पन्न रिसोर्टहरु महंगा र सुविधायुक्त छन् ।

नेपालमा पछिल्लो समय तारे होटल भन्दा पनि पर्यटक स्तरका रिसोर्टहरु खुल्नेक्रम झनै बढ्दै गएको छ । नेपालमा पाँच तारे होटलका भन्दा पनि बढी सेवा सुविधा दिएर खुलेका रिसोर्टहरु पुराना र नयाँ दर्जनौको संख्यामा रहेका छन् ।नेपाल भर पर्यटक स्तरका रिसोर्टहरुको संख्या २ सय भन्दा बढी छन् । हामीले चर्चा गर्न लगेका सुविधासम्पन्न रिसोर्टहरु जुन पाँच तारे होटलका भन्दा बढी सुविधामा खुलेका छन् ।

नेपालमा विगत देखिनै यस्तो चल्दै आएको छ । पुराना सुविधा सम्पन्न रिसोर्टहरु अहिले पनि चलिरहेका छन् । काठमाडौंमा मात्रै नभएर देशभर यस्ता रिसोर्टहरु छ । उक्त रिसोर्टहरुले तारेको मान्यता नलिइकनै संचालनमा रहने गरेका छन् ।देशभर सुविधासम्पन्न रिसोर्टहरु १ सय भन्दा बढी रहेका छन् । पछिल्लो समय तयार भएका रिसोर्टहरु बढी मात्र चितवनको सौराह तथा पोखरामा बढी मात्रमा रहेका छन् । रिसोर्टहरुले पर्यटकहरुलाई लिने रुम चार्ज पाँच तारे होटलहरुको भन्दा पनि महंगो रहेका छन् ।

१, गोकर्ण फरेष्ट रिसोर्ट

काठमाडौंको गोकर्णको उच्च भागमा रहेको गोर्कर्ण फरेष्ट रिसोर्टमा महंगो पैसा तिर्न सक्ने पर्यटकहरु बसाई हुने गरेको छ । शहरकोबीच भागमा रहेको रिसोर्ट भए पनि जंगल समेत ठूलो क्षेत्रफलमा रहेको छ । जसका कारण पनि पर्यटकहरुको मन लोभिने गरेको छ । नेपालमा पहिलो र सुविधासम्पन्न गल्फ रिसोर्ट कोर्ष समेत रिसोर्टमा रहेको छ ।६, वटा स्विट रुमा, ७८ वटा स्विट डिलक्स र १६ वटा डिलक्स रुम रिसोर्टमा रहेका छन् । त्यहाँ जाने पर्यटकले १ सय ६० डलर देखि ७ सय डलर सम्म एउटा रुमको तिर्ने गरेका छन् । जुन रकम अन्य पाँच तारे होटलहरुको भन्दा बढी हो । पाँच तारेहरुमा बढीमा २ सय डलरमा पर्यटकहरुले रुम पाउने परेका छन् ।

२, क्लव हिमालय

भक्तपुरको नगरकोटमा रहेको क्लव हिमालय नेपालमा पुराना रिसोर्टहरुमा पर्दछ । प्राकृतिको रमणीय क्षेत्रका अवस्थित उक्त रिसोर्टमा स्विट, डिलक्स, स्विट डिलक्स, स्ट्यान्र्डड, र अन्य गरी रुमहरु छ्ुट्याइएको छ । जसमा कार्यक्रम गर्नको लागि पनि ५ वटा साना र ठूला गरी हलहरु समेत रहेका छन् । रिसोर्टमा जाने पर्यटकहरुले प्रति रातको ८५ डलर देखि १ सय १० डलरसम्म तिर्ने गरेका छन् ।

३, द्धारिकाज् होटल

काठमाडौंको बत्तिसपुतलीमा अवस्थित द्वारिकाज् होटल हेरिटेज होटल समेत हो । पाँच तारे होटलका पनि धेरै सुविधा रहेको उक्त होटलमा ६ वटा स्विट, ८१ वटा स्विट डिलक्स र स्ट्यान्र्डड रुमहरु रहेका छन् । होटलमा बस्नको लागि पर्यटकले एक रातको २ सय ७० डलर देखि ४ सय डलरसम्म खर्च गर्ने गरेका छन् ।

४, पार्क भिलेज होटल रिसोर्ट एन्ड अपार्टमेन्ट

काठमाडौंको बुढानीलकन्ठमा रहेको पार्क भिलेज होटल रिसोर्ट एन्ड अपार्टमेन्ट सुविधासम्पन्न रिसोर्टमा पर्दछ । जहाँको अपार्टमेन्टमा समेत महिनौसम्म बस्ने पर्यटकहरु समेत आउने गरेका छन् । नेपालमा अध्ययन तथा अनुसन्धानको लागि आउने पर्यटकहरु समेत उक्त रिसोर्टमा बस्ने गरेका छन् । रिसोर्टमा ४३ वटा डिलक्स कटेज, १४ वटा अपार्टमेन्ट, ३५ वटा स्ट्यान्र्डड, २४ वटा स्विट डिलक्स र ३ वटा भिल्लाज् रुमहरु रहेका छन् । रिसोर्टमा प्रतिरात एक पर्यटकले ६० डलर देखि १ सय ४० डलर सम्म खर्चने गरेका छन् । त्यस्तैगरी अपार्टमेन्टमा भने प्रति महिना ९ सय डलर देखि १ हजार ८ सय डलरसम्म तिर्ने गरेका छन् ।

५, द्वारिकाज् रिसोर्ट धुलिखेल

भारतीय प्रधानमन्त्री नरेन्द्र मोदी नेपाल भ्रमणमा आएको समयमा उक्त रिसोर्टमा बसेर खिचेको फोटो टुईट गरेपछि द्ववारिकाज् रिसोर्ट धुलिखेलको चर्चा झनै चुलिएको थियो ।द्ववारिकाज् रिसोर्ट धुलिखेलमा रोयल स्विट, हेरिटेज एक्जिभेटिभ स्विट, हेरिटेज जुनियर स्विट, हेरिटेज डिलक्स रुम रहेका छन् । रमणीय स्थानमा रहेको उक्त रिसोर्ट सधै भरिभराउ हुने गरेको छ । ट्रिप एड्भाइजरीले समेत टप १० होटल तथा रिसोर्ट भित्र राखेका थियो । उक्त रिसोर्टमा जाने पर्यटकले प्रतिरात २ सय डलर दखि ५ सय डलरसम्म खर्च गर्ने गरेका छन् ।

६, सांग्रिला भिलेज रिसोर्ट

पोखरामा रहेको सांग्रिला भिलेज रिसोर्ट सुविधा सम्पन्न र चर्चित रिसोर्ट हो । ६१ वटा डिलक्स रुम रहेको रिसोर्टमा जाने पर्यटकले १ सय ८० डलर रुपैयाँ प्रतिरात खर्च गर्ने गरेका छन् । १ सय ५० सिट क्षमताको कन्फरेन्स हलसेमत रहेको रिसोर्टमा सवै प्रकारका सुविधाहरु रहेका छन् ।

७, फिष्टेल लज

पोखराको सुविधा सम्पन्न रिसोर्ट फिस्टेल लज पुरानो हो । फेवातालको छेऊमा रहेको उक्त लजमा १२ वटा डिलक्स, ४८ वटा स्ट्यान्र्डड रुमहरु रहेका छन् । जसमा १ सय ५ डलर देखि १ सय १५ डलर रुपैयाँ रुमको पर्ने गर्दछ । ६० जना अट्ने क्षमताको हल समेत रहेको छ ।

८, टेम्पल टाइगर जंगल लज एन्ड रिसोर्ट

विगतमा चितवन राष्ट्रिय निकुञ्ज भित्र संचालनमा रहेको टेम्पल टाइगर अहिले भने निकुञ्ज बाहिर संचालनमा रहेको छ । सौराहमा गुलजार ल्याउने रिसोर्टको रुपमा परिचित टेम्पल टाइगरमा १ स्विट रुम रहेको छ भने ३२ वटा डिलक्स रुमहरु रहेका छन् । जसको एक रातको १ सय २५ डलर देखि २ सय ५० डलर सम्म पर्दछ । विगतमा निकुञ्ज भित्र संचालनमा हुदाँ ५ सय देखि १ हजार डलरसम्म एक रातकै पर्यटकहरुले खर्च गर्ने गरेका थिए ।

९, आइल्यान्ड जंगल रिसोर्ट

चितवनमै रहेको आइल्यान्ड रिसोर्ट सुविधासम्पन्न रिसोर्ट मध्ये एक हो । जसमा १२ वटा स्विट डिलक्स, १६ वटा स्टायन्र्डड रुमहरु रहेका छन् । जसको प्रति रात १ सय २५ डलर देखि २ सय ५० डलर सम्म पर्दछ । विगतमा आइल्यान्ड रिसोर्ट पनि निकुञ्ज भित्र संचालनमा रहेको थियो । हाल उक्त रिसोर्ट पनि निकुञ्ज बारिह संचालनमा रहेको छ ।

१०, मेघौली सेराई चितवन

विनोद चौधरीको लगानी रहेको मेघौली सेराई रिसोर्ट पछिल्लो समयको सवैभन्दा सुविधासम्पन्न रिसोर्ट हो । दुई वर्ष अगाडी मात्रै संचालनमा आएको सेराईमा महंगा पर्यटक भित्र्याउने लक्ष्यका साथ निर्माण गरिएको थियो । राप्ती महल, राप्ती भिल्ला र मेघौलि रुम रहेको छ । ३० वटा रुम रहेको सेराईमा महंगा पर्यटक लैजाने मुख्य लक्ष्य रहेको छ ।

११, रुपाकोट रिसोर्ट

 

बेल्जियममा २० वर्षदेखि व्यवसाय गरिरहेका पुष्प अधिकारीको कास्कीमा ‘रूपाकोट रिसोर्टु सञ्चालनमा ल्याएका छन् । ३० करोड लगानी रहेको रिसोर्टमा ४२ वटा वातानुकुलित कोठा छन्।सन् २०१२ मा निर्माण थालिएको यो रिसोर्टको २ सय रोपनी कम्पाउन्ड छ । रिसोर्टका आठ वटा भवन छन् । अहिले मुख्य भवन, पार्किङ, स्वीमिङ पुल, गार्डेन र दुईवटा हेलिप्याड छन् । पैसावाल र प्राकृतिक सुन्दरताका पारखीहरुलाई लक्षित गरेर रिसोर्ट निर्माण गरिएको सञ्चालक अधिकारीले जानकारी दिए ।रिसोर्टको मूख्य विषेशता एकै ठाउँबाट बेगनास र रुपा तालका साथै दर्जनौं हिमशृंखला र पोखरा शहरको दृश्यावलोकन हो । रुपाकोटसँग बेलायतका राजकुमारले पैदल हिँडेको इतिहास पनि छ ।