यस्तो रणनीति बनाउँदै प्रमुख दलहरु

४ साउन, काठमाडौं ।सरकारविरुद्ध नेपाली कांग्रेस र नेकपा माओवादी केन्द्रले अविश्वासको प्रस्ताव संसदमा दर्ता गरेपछि सरकार गठनमा संवैधानिक जटिलता रहेको वा नरहेको विषयमा दलहरु बिभाजित छन्।

Sansadअविश्वास प्रस्तावमाथि छलफल हुने दिन नजिकिँदै गर्दा प्रमुख दल नेपाली कांग्रेस र एमालेले पार्टीभित्र छलफल गरेका छन्।

प्रमुख प्रतिपक्षी दल कांग्रेसले मंगलबार केन्द्रीय समिति बैठकमा नयाँ सरकारको संवैधानिक जटिलताका साथै पार्टीको रणनीतिबारे छलफल गर्दैछ।

त्यस्तै सरकार विरुद्ध अविश्वास प्रस्ताव परिसकेपछि संसदमा कस्तो रणनीति लिने भन्नेबारे छलफल गर्न एमालेले स्थायी कमिटी बैठक बोलाएको छ।

कांग्रेसले केन्द्रीय समिति बैठकमा अविश्वास प्रस्ताव पारित गर्न संसदमा लिने रणनीतिका साथै पार्टी पदाधिकारी र केन्द्रीय समिति मनोनयनदेखि मन्त्री चयनसम्मका विषयमा छलफल गर्दैछ। मंगलबार बिहानदेखि सुरु भएको बैठकमा नेताहरुले यी विषयहरुमा नै केन्द्रित भएर धारणा राखिरहेका छन्। विधानसम्मत् पार्टी चल्न नसकेको आरोप खेपिरहेका सभापति देउवाले महत्वपूर्ण विषयमा छलफलका लागि केन्द्रीय समिति बोलाएका हुन्।

त्यस्तै नेकपा एमालेले संसदमा अविश्वास प्रस्ताव सामना गर्न कस्तो रणनीति लिने भन्ने विषयमा निर्णय गर्नेछ। एमालेले सभामुखले अविश्वास प्रस्तावभन्दा पहिले कार्यसुचीमा रहेको बजेटसम्बन्धी तीनवटा विधेयक पारित गर्ने विषय हटाएकोमा विरोध जनाउने तयारी गरेका छन्। त्यस्तै एमालेले संविधानमा नयाँ प्रधानमन्त्री चयनको व्यवस्था नै नभएको तर्क गर्दै आएको छ।

प्रधानमन्त्री निवास बालुवाटारमा मंगलबार यीनै विषयमा छलफल हुने एमालेका एक नेताले जानकारी दिए। यसअघि सोमबार प्रधानमन्त्री ओलीले कांग्रेस सभापति देउवा र माओवादी केन्द्रका अध्यक्ष पुष्पकमल दाहाल प्रचण्डलाई बालुवाटार नै बोलाएर छलफल गरेका थिए। अविश्वासको प्रस्तावमाथि साउन ६ गते संसदमा छलफल हुँदैछ।


Facebook Comment


No ads found for this position