सिम्रिक एयरका सबै जहाज ग्राउन्डेड

काठमाडौँ, ३२ साउन । सेवा सञ्चालन इजाजत नविकरण नगर्दा सिम्रिक एयरका सबै जहाज ग्राउन्डेड भएका छन्। थप गरिएको समयमा पनि नविकरण नगरेपछि उसका चारवटै विमान ग्राउन्डेड भएको नागरिक उड्डयन प्राधिकरणका उपमहानिर्देशक रामचन्द्र सुवेदीले बताए।

इजाजत दिने र नविकरण गर्ने निकाय संस्कृति पर्यटन तथा नागरिक उड्डयन मन्त्रालय भएपनि त्यही इजाजतको आधारमा प्राधिकरणले दिने एयर अपरेटर्स सर्टिफिकेट (एओसी) इजाजत रद्द भएसँगै स्वतः निष्क्रीय भएकोले उसका जहाज ग्राउन्डेड भएको सुवेदीले जानकारी दिए। एयर सुरक्षा तथा अन्य खराबीको कारण सिम्रिकको उडान सेवा बन्द नभएकोले इजाजत नविकरण नगरुन्जेल एओसी निष्क्रीय भएपनि नविकरण हुने बित्तिकै एओसी पनि सक्रीय हुने सुवेदीले बताए।