भवानी राणा उद्योग बाणिज्य महासंघको अध्यक्ष पक्का

काठमाडौँ, ४ कात्तिक ।  उद्योग बाणिज्य महासंघको संसोधित विधान विशेष साधारण सभाले पारित गरेपछि भवानी राणा आगामी चैतदेखि अध्यक्ष बन्ने पक्कापक्की भएको छ ।

बरिष्ठ उपाध्यक्ष अध्यक्ष रहने गरि विधान संसोधन भएपछि भवानीलाई विना निर्वाचन अध्यक्ष बन्ने बाटो खुलेको हो । उनी हाल बरिष्ठ उपाध्यक्ष छिन । उनी महासंघको अध्यक्ष बन्ने पहिलो महिला पनि हुनेछिन् ।

 ६ जना पुर्व अध्यक्षले बहिस्कार गरेपनि विहिबार सम्पन्न विशेष साधारणसभामा विधान संसोधनको प्रस्ताव पारित भएको छ । संसोधित विधानले महासंघको सातै प्रदेशमा प्रमुख रहने व्यवस्था पनि गरेको छ ।