सीएनएनको उत्कृष्ट नेपाली पाँच रिसोर्टहरु

पोखरा, २२ पुस रअमेरिकी न्यूज पोर्टल सीएनएनले नेपालका पाँचवटा बुटिक होटलको सूचि सार्वजनीक गरेको छ । सुचिमा पोखराको बाराही ग्रुपद्धारा चितवनको मेघौलीमा सञ्चालीत बराही जंगल लज पनि परेको छ भने पोखराको २४ कृस्तीस्थित पेभेलियन हिमालय होटल परेको छ । त्यसै गरि काठमाण्डौको द्वारिका होटल, भक्तपुरको हेरिटेज होटल र पाटनको स्वथा ट्रेडिसनल होम परेका छन् ।

भूकम्पपछि नेपालका पुरातात्विक सम्पदाहरुमा क्षति पुगेको र पर्यटन उद्योग पनि थला परेको अबस्थामा मौलिक आर्किटेक्ट सहित निर्माण गरिएका यी बुटिक होटलले पर्यटन प्रर्बद्धनमा ठूलो भूमिका खेल्ने उल्लेख गरिएको छ । बाराही जंगल रिर्सोट चितवनमा स्थापित लक्जरी रिसोर्टमध्ये एक हो ।

चितवन राष्ट्रिय निकुञ्जको छेवैमा रहेका कारण बाराहीबाटै गैंडा, मृग, गोही लगायतका बन्यजन्तु आँखै अगाडी देख्न सकिन्छ । बाराही रिसोर्ट २० बिगाहा क्षेत्रफलमा फैलिएको छ जहाँ ३४ वटा डिलक्स रुम छन् भने एउटा विलासी सुइट छ । त्यसबाहेक ९ बिगाहामा रिसोर्टले अर्गानिक खेती गरेको छ ।

ग्रिन होटलको थिममा संचालित बाराहीमा पाहुनाहरुले रिसोर्टभित्र फलेको अर्गानिक तरकारी र सलाद खान पाउँछन् । बाराही पुग्ने पाहुनाले राप्ती नदीमा डुंगा यात्रा गर्न पाउँछन् हात्तिबाट जंगल सफारी मुख्य बिशेषता हुन् । रिसोर्टमा दुईवटा स्वीमिङ पुल, स्पा, र मसाजको पनि सुबिधा छन् । हरेक कोठाको कौसीबाट आँखै अगाडी राप्ती नदी र चितवन राष्ट्रिय निकुञ्ज देख्न सकिन्छ ।

सुरुमा पोखरामा होटल बाराही संचालन गरेको बाराही समूहले करिव डेढ बर्षअघि मेघौलीमा बाराही जंगल लजका नाममा डिलक्स रिसोर्ट सुरु गरेको थियो ।गन्थन डटकम


Facebook Comment