राष्ट्रिय निकुञ्ज तथा वन्यजन्तु संरक्षण विधेयक प्रमाणीकरण

काठमाडौँ, १७ चैत । राष्ट्रपति विद्यादेवी भण्डारीले “राष्ट्रिय निकुञ्ज तथा वन्यजन्तु संरक्षण (पाँचौँ संशोधन) विधेयक, २०७३” लाई प्रमाणीकरण गर्नुभएको छ ।

संविधानको धारा ११३ को उपधारा (२) बमोजिम उहाँले उक्त विधेयकलाई आज प्रमाणीकरण गर्नुभएको राष्ट्रपति कार्यालयका प्रवक्ता मोहनप्रसाद वाग्लेले जानकारी दिनुभयो ।

उक्त विधेयक व्यवस्थापिका–संसद्को गत माघ १७ गतेको बैठकबाट पारित भई प्रमाणीकरणका लागि राष्ट्रपति समक्ष पेस भएको थियो ।