फेरि मारियो गैडा

भरततपुर महानगरपालिका २३ जगतपुर स्थित हरियाली सामुदायिक वन बेलहटा अन्दाजी १२ बर्षको पोथी गैडा मृत अवस्थामा फेला परेको छ ।टाईगर ल्याण्गड होटल नजिकै राती सिकारीको गोली प्रहारबाट गैडाको मृत्यु भएको जिल्ला प्रहरी कार्यालय चितवनका प्रमुख दिपक थापाले जानकारी दिनुभयो । प्रहरीका अनुसार गैडाको खाग धारीलो हतियार प्रयोग गरि चोरी गरिएको छ । चितवनमा ३ बर्षसम्म चोरी सिकार नभएको भन्दै चितवन राष्ट्रिय निकुञ्जले शुन्य चोरी शिकार बर्ष मनाउदै आएको थियो । यस बिचमा गैडाको संख्यामा वृद्धि भए सगै चितवन राष्ट्रिय निकुञ्जबाट बर्दिया राष्ट्रिय निकुञ्ज र शुक्लाफाटा निकुञ्जमा केहि गैडाहरु स्थान्तरण गरिएको थियो ।