स्थानीय तहको परिणाम, कसले कहाँ जिते (सूचीसहित)

२१ असार, काठमाडौं । दोस्रो चरणमा चुनाव भएका ३५ जिल्लाका ३३४ स्थानीय तहमध्ये बुधबार बिहानसम्म ३०६ स्थानको मतगणना सकिएको छ । अब २८ स्थानीय तहको मात्र मतपरिणाम आउन बाँकी छ ।

अहिलेसम्म १३३ स्थान जितेर नेकपा एमाले अग्रस्थानमा छ । मतगणना भइरहेका १९ स्थानमा अग्रता राख्दै एमालेले दोस्रो चरणमा पनि पहिलो स्थान सुरक्षित गरेको छ ।

दोस्रो दल बनेको नेपाली कांग्रेसले ११७ स्थान जितेको छ । मतगणना भइरहेकामा कांग्रेसको अग्रता जम्मा ४ स्थानमा अग्रता छ । त्यस्तै माओवादी केन्द्र ३६ स्थानीय तह जितेर तेस्रो स्थानमा रहेको छ । माओवादीले मतगणना भइरहेका दुई स्थानमा अग्रता लिइरहेको छ ।

संघीय समाजवादी फोरमले ६ स्थानीय तह जितेर एक स्थानमा अग्रता लिइरहेको छ भने फोरम लोकतान्त्रिकले पनि ६ स्थान जितेको छ । राप्रपाले ४ स्थानीय तह जितेर छैटौं स्थानमा रहेको छ भने राष्ट्रिय जनमोर्चा २ स्थानीय तह जितेर सातौं स्थानमा छ ।

२ स्थानीय तहमा स्वतन्त्र उम्मेदवारले जितेका छन् । राजपा समर्थित स्वतन्त्र उम्मेदवारले रुपन्देही र कपिलबस्तुका ४ स्थानीय तहमा अग्रता लिइरहेका छन् ।

३० स्थानीय तहको मतपरिणाम आउन बाँकी रहदा अधिकांश ठाउँमा गणना भइरहेको छ । धरान उपमहानगरपालिका,झापाको अर्जुनधारा नगरपालिका,मोरङको पथरी शनिस्चरे नगरपालिकामा विवादका कारण मतगणना स्थगित छ ।

प्रदेशगत रुपमा हेर्दा एमालेले एक नम्बर प्रदेशमा ५८ स्थानीय तह जितेको छ भने कांग्रेसले ४७ स्थान जितेको छ । गणना भइरहेका अधिकांश स्थानीय तहमा एमालेको अग्रता रहेकाले १ नम्बर प्रदेशमा एमालेको बहुमत आउने सम्भावना छ ।

५ नम्बर प्रदेशमा एमालेले ३९ स्थान जितेको छ भने कांग्रेसले ३३ स्थान जितेको छ । गणना भइरहेका ठाउ ४ ठाउँमा एमालेको अग्रता छ भने कांग्रेसको कुनै पनि स्थानमा अग्रता नरहेकाले ५ नम्बर प्रदेशमा एमालेनै ठूलो दल बन्ने सम्भावना छ ।

७ नम्बर प्रदेशमा कांग्रेसले ३७ र एमालेले ३६ स्थान जितेका छन् । गणना भइरहेका ३ नगरपालिकामा एमालेको अग्रता छ भने एउटामा कांग्रेसको अग्रता रहेको छ । अग्रता लिएका नगरपालिका जितेको खण्डमा एमाले प्रदेश नम्बर ७ मा पनि पहिलो दल बन्न सक्छ ।साभार अनलाइनखबर

कसले कति जिते ?
(आफूले चाहेको स्थानीय तहका विजयी उम्मेदवार र मत संख्या हेर्न सम्बन्धित गाउँपालिका तथा नगरपालिकामा क्लिक गर्नुहोला ।)

एमालेले जितेका स्थानीय तह (१३३) :

प्रदेश नम्बर १ (५८)