‘ऐनले पार्टी फुट्ने होइन, जुट्ने पनि होइन’ः मुख्यमन्त्री पोखरेल

काठमाडौं–८ बैशाख
सरकारले पार्टी फुटाउन सहज हुने अध्यादेश ल्याएपटि केकपाभित्र पूरै अलचल मच्चिएको छ । नकेपा अध्यक्ष पुष्पकमल दाहाल (प्रचण्ड)ले पूर्व माओवादीभित्रका स्थायी कमिटी सदस्यहरूको बैठक बोलाएका छन् । यस अध्यादेश ल्याउने निर्णयसँगै पूर्वमाओवादीहरू पार्टी फुटाउन प्रधानमन्त्रीले यो अध्यादेश ल्याउन लागेको भन्दै शशंकित बनेका छन् ।

यसैबीच सत्तारूढ नेपाल कम्युनिस्ट पार्टी (नेकपा) का स्थायी कमिटी सदस्य तथा प्रदेश नम्बर ५ का मुख्यमन्त्री शंकर पोखरेलले ऐनले पार्टी फुट्ने र जुट्ने नभएको बताएका छन् । उनले सरकारले ल्याएको अध्यादेशकै कारण पार्टी फुट्ने र जुट्ने कुरामा कुनै फरक नपार्ने बताएका हुन्।

सामाजिक संजाल फेसबुकमार्फत उनले ४० प्रतिशतको प्रावधान लोकतान्त्रिक विशेषता नै भएको बताउँदै जिम्मेवार बन्न सबैलाई आग्रह गरेका छन् ।

‘ऐनले पार्टी फुट्ने नि होइन ऐनले पार्टी जुट्ने नि होइन। ४० प्रतिशतको को प्रावधानको लोकतान्त्रिक विशेषता नै हो’, मुख्यमन्त्री पोखरेलले फेसबुकमार्फत भनेका छन्, ‘अनुशासित बनौँ, जिम्मेवार बनौँ।’


Facebook Comment