कीर्तिमानी पर्वतारोही निर्मल पुर्जाले नयाँ कीर्तिमान बनाए

वैशाख, काठमाडौं । कीर्तिमानी पर्वतारोही निर्मल पुर्जा ‘निम्स दाइ’ले विश्वका ८ हजार मिटरभन्दा अग्ला शिखर आरोहणमा नयाँ कीर्तिमान बनाएका छन् ।

नेपाली नयाँ वर्षको दिन उनले ८ हजार मिटर अग्ला शिखरको ४४ पल्ट आरोहण गरेर, एकै जनाले धेरै पटक अग्ला शिखर चढ्ने कीर्तिमान बनाएका हुन् ।

१ वैशाख बिहान १२.१५ बजे उनले ८ हजार ९१ मिटर अग्लो अन्नपूर्ण हिमालको चुचुरोमा पुगेर यो कीर्तिमान बनाएका हुन् ।

नयाँ कीर्तिमानपछि संक्षिप्त प्रतिक्रिया दिंदै निम्स दाइले भने, ‘अब ८ हजार मिटर अग्ला पर्वत आरोहणपिच्छे मेरो रेकर्ड थपिंदै जान्छ ।’

निम्स दाइले ८ हजार मिटरभन्दा अग्ला १४ वटै शिखर पटक–पटक आरोहण गरिसकेका छन् ।